رجوع الفلوس

كيفاش خدام الخلاص ورجوع الفلوس فـWakha؟

فـWakha كتعمر رصيد بفيرمو بنكي، ومن داك الرصيد كتخلص غير على الطلبية اللي تخلصات عند التوصيل. الطلبية اللي ترفضات عند الباب، ولا ما جاوبش فيها الكليان، ولا ما تخلصاتش، ما كتخلص عليها والو. إلا بقا ليك شي رصيد ما تصرفش، تقدر تطلب يرجع ليك فأي وقت: كتصيفط إيميل لـ[email protected] من الإيميل اللي بيه تسجلتي، وكتكتب سمية الستور، المبلغ، والـRIB ديالك، وكنصيفطو ليك الفلوس بفيرمو بنكي فظرف 14 يوم من نهار الطلب. إلا لقيتي طلبية تحسبات عليك بالغلط، ولا تحسبات جوج مرات، صيفط لينا المرجع ديالها، ومن بعد ما نتأكدو، المبلغ كيرجع للرصيد ديالك. فسوق وقيسارية كاين اشتراك فالشهر: الشهر اللي بدا ما كيرجعش، ولكن تقدر توقف الاشتراك فأي وقت، وما كتخلصش الشهر اللي من بعد. خلصة الميساجات ديال واتساب ما كتدوزش علينا: كتخلصها نيشان لـMeta من الحساب ديالك، وأي مشكل فيها كيتحل مع Meta.